近年網上興起唔少挑戰,考一考大家眼力,好似條連身裙係咪金白色、對波鞋究竟粉紅色定薄荷綠咁,最近社交媒體又瘋傳一張圖,入面有兩個波,大家覺得係咩顏色?好笑嘅係,唔少網友知道答案後都忍唔住懷疑人生,仲話係咪要驗眼~

張圖左邊嘅波配搭黃色底同紫色點,右邊嘅波就配搭紫色底同黃色點。驟眼睇兩個波好明顯唔同色,好似一個藍一個綠咁款,不過有醒目嘅網友「突破盲腸」玩踢爆:兩個波都係薄荷綠色呀!睇錯嘅人係受底色同波點顏色影響,出現視覺誤差,如果圖中剩係得兩個波,或者將球體部分放大去睇,就會見到波嘅顏色係一模一樣。


唔少網友都覺得不可思議,有人講笑咁話張圖根本唔係考眼力,係考點樣呃人至真XD

圖:Twitter@NovickProf、Amazon、網上圖片