唔知大家拆新襪之前,有無留意到兩隻襪嘅開口位中間都有個銀色嘅夾仔呢?小編一路以為呢隻夾仔只係用嚟固定兩隻襪嘅,所以一路都係拆開直接丟,但原嚟隻夾仔大有用處!

近排有網民就開post問新襪個銀夾仔有咩用,結果有熟知鞋襪嘅網友就解答咗呢個世紀之謎。原嚟銀夾仔並唔係用嚟固定對襪嘅,而係俾我哋用嚟𠝹開襪上面嘅包裝縫線同吊牌嘅!銀夾仔係用比較軟嘅金屬整成,將隻夾掰直之後可以當成鋸仔用,用佢嚟鋸斷縫喺襪上面嘅包裝線同吊牌,連鉸剪都唔使搵,方便快捷!大家下次拆新襪要記得喇,咪再當隻銀夾仔係垃圾咁隨手丟咗佢喇。

圖:GQ Taiwan,松果購物

究竟點用銀夾仔鋸斷包裝?開估!