DSE仲有一個月先放榜,相信有啲巴絲打仲plan緊去grad trip。如果大家係去上海嘅話要留意喇,因為由下個月一號開始,上海全市酒店唔會再向住客主動提供牙刷、梳等6種即棄日用品,實行減廢。

除咗牙刷同梳,上海酒店都唔會主動提供浴擦、剃鬚刀、指甲銼同鞋擦,而且措施並無過渡期,住客亦唔可以因此要求酒店減價。當局表示呢幾款用品隨身攜帶方便,所以酒店並無必要重覆提供,至於牙膏、浴液、拖鞋等就唔受限制。呢個措施亦並非「一刀切」執行,如果住客真係好有需要,都係可以向酒店免費取用嘅~不過為咗環保,大家住酒店都係自備日用品喇!

圖:網上圖片