香港人生活忙碌,有時真喺忙到飯都唔得閒食,更何況煮呢,所以唔少人都會選擇買外賣醫肚。為咗減少塑膠用量,環保署推出「外賣走塑 餐具先行」第二階段計劃,同七百幾間食肆合作,當中包括市民成日幫襯大型連鎖集團。當大家喺參與活動嘅食肆買外賣走餐具時,就會得到一個印花,儲夠六個,就可以免費換領不銹鋼餐具,或者個別食肆所提供嘅贈品。

其實大家過往買外賣往往用唔少即棄用品,一杯飲品、一個膠盒裝飯、一個膠碗裝湯、一個膠碗裝餸,仲有塑膠餐具添,如果日日都食外賣,一年分分鐘用成千上萬件嘅即棄用品,條數認真襟計!所以大家買外賣都喺拎返屋企、學校或者工作地方食,只要喺相關地方放返套餐具,咁走餐具自然喺Easy Job!愛護地球,人人有責,大家識做喇~

圖: shutterstock , FB@大嘥鬼 Big Waster,環境局