作為一嗰標準文青,周未當然唔會淨喺行街、睇劇、食飯咁單一喇。如果你都中意睇童話、做手作呢類型活動,小編今次又有正嘢推介:喺深圳萬象天地嘅誠品生活店內,有嗰「夢想啟航小王子主題展」,唔單止有小王子、蛇吞象同玫瑰嘅經典場景,仲可以動手自製小王子物品。咁正?仲唔即刻markschedule,喺周未出發!

今次小王子展覽特別邀請到現代摺紙藝術家劉通,佢用摺紙藝術方式重現《小王子》經典場景,包括「陪小王子看落日」、「遇見狐狸」、「玫瑰花海」、「降落在撒哈拉沙漠的飛機」等等。除此之外,同場仲展出小王子手稿影印本添。而且場內仲有多個影相打卡位,大家可以喺館內唔同位置,同《小王子》嘅角色相遇,真係撳影相手掣都撳到手軟。室內室外同樣精彩,誠品地下仲有大型梯畫,大家千祈唔好錯過。

睇完展覽,覺得唔夠喉?唔緊要,有小王子工作坊等緊大家。工作坊有唔同類型手作活動,包括書簽製作、胸針、陶器等等,等大家炮製獨一無二嘅手作,送禮自用一樣得。走之前仲可以行埋精品區,一於將小王子帶返屋企!

圖:hellotoby