健康飲食二加三,由細聽到大,不過實行上嚟真喺有啲困難。平時生活忙碌,邊有時間日日採購新鮮食物?週未有時間想買定一堆,但啲蔬菜水果又唔爭氣,放多幾日又會爛。天呀,想食吓新鮮蔬果,唔通真喺咁難?唔難!因為馬來西亞公司StixFresh發明咗一款「神奇貼紙」,只要貼落蔬果表面,貼紙就會喺蔬果周圍形成保護層,免受蠅蟲侵害,減慢蔬果過熟同變質,從而延長保鮮期達十四日。

呢款貼紙喺由氯化鈉、蜂蠟同其他天然成分製成,符合美國食品藥品監督管理局嘅安全認證,所以唔使擔心食用安全。不過「神奇貼紙」都有局限,目前只可貼喺蘋果、梨子、牛油果、火龍果、奇異果、芒果、柑橘呢幾款水果。依家「神奇貼紙」已經係美國集資平台IndieGoGo籌募到足夠金額,喺比利利時工廠進行更多研究。希望喺未來「神奇貼紙」可以用喺更多蔬果上,咁第時可以一次買啲蔬果存放,都唔驚咁快變壞喇!

圖:StixFresh