人生有幾多嗰多十年?正因為時間寶貴,所以每一嗰十年都唔可以浪費。香港有「跳馬王子」稱號嘅石偉雄人稱石仔,自2009年開始參加世界盃,每日不停咁練習,十年過去,終於喺今日憑住佢嘅新動作「笠松轉體270度後空翻兩周」,喺世界盃克羅地亞站嘅跳馬項目奪金,踏上冠軍頒獎台。

石仔自去年開始一直苦練新動作,為年底嘅世錦賽爭取2020東京奧運入場劵做準備。為咗喺世錦賽有更好嘅表現,石仔提早喺今站演練新動作。佢喺決賽首跳雖然落地稍微不穩,取得14.667分,不過第二跳馬上調整,跳出14.8高分,最終以0.3差距力壓意大利選手封王。

石仔勇奪金牌之後依然好謙虛,話自己仲未收貨,要喺未來呢五個月好好練習,改善動作。嚟緊石仔仲會出戰世界盃斯洛文尼亞站,希望佢可以再下一城,繼續為港爭光!

圖:FB@石偉雄 Stone Shek