小編之前同大家講過,過去嘅星期一至四Häagen-Dazs推出雪糕放題,相信各位巴絲打都食到舐舐脷XD如果仲未夠喉,週末又有機會食返夠本喇!Häagen-Dazs即日起至5月26日(星期日)推出Party Cap雪糕買一送一優惠,只需68蚊就可以買到兩杯Party Cap,孖住親戚朋友或者另一半食就啱曬喇!

呢個優惠夠曬吸引,不過大家要留意幾點:68蚊嘅優惠價一定要係用八達通全數畀曬,而且要二人同行,每次只可購買同享用優惠一次;喺香港Häagen-Dazs專門店(淺水灣 The Pulse店除外)外賣自取先至可以享有優惠;買嗰陣如果需要額外甜筒或外賣杯就要加錢,優惠唔可以兌換現金、現金券或其他產品,亦都唔可以連埋Häagen-Dazs Club 會員折扣、現金券同其他優惠使用,只有折實後嘅金額先可以用嚟累積Häagen-Dazs會員積分。

圖:八達通