就嚟夏天,唔少人準備換季,打算又去買新衫。不過大家喺掃貨之前,請停一停,諗一諗喺咪真喺有需要買。國際青年商會香港總會上星期公佈「香港環保生活習慣」問卷調查結果,有六成受訪者表示過去3個月內有買新衫,同時屋企有部份從未著過嘅衫,無形中造成浪費。所以買衫之前,大家不妨先執執衣櫃,一嚟可以減少浪費,二嚟仲慳返唔少開支添。

部份人喺換季時會掉咗啲舊衫,但有近三成人無回收舊衫習慣,其實唔少屋苑附近都有設置舊衣回收箱方便大家,再唔係將舊衫捐去慈善團體都得,一嗰小小嘅舉動,可以為環保出一分力,仲幫到人添。

除咗買衫之外,調查問到香港人嘅外賣習慣,有八成人表示唔會「走飲管」,近七成亦唔會自備餐具,顯示香港人環保意識薄弱。傑出青年協會氣候及環境委員會主席麥永開話香港人喺衣食住行方面都有消耗同浪費,政府同市民都有責任去扭轉呢嗰趨勢。

圖:Monaco