今時今日,喺香港讀大學嘅學費係一筆唔細嘅費用,唔少大專學生未出嚟做嘢已經欠落政府一大筆貸款,而美國嘅學費比香港更貴,學生畢業之後要還嘅債就更多。早前億萬富翁史密斯出席美國喬治亞州莫爾豪斯學院畢業典禮嘅時候,突然宣佈會為台下嘅396個畢業生還清學業貸款,對畢業生同家長嚟講,簡直就係最好嘅畢業禮物!

史密斯喺19號獲莫爾豪斯學院頒發榮譽博士學位,即場發表演講話:「我嘅家人正準備資金,幫助你們付清學生貸款,我知道你們會將這份愛心傳出去」。呢句說話一出,全場靜咗,唔少學生都懷疑自己聽錯,但反應過嚟之後,全場即刻爆出歡呼聲,好多學生家長更加感動到喊、互相擁抱。

莫爾豪斯學院係一間招收非裔學生嘅私立男子文理學院,好多非裔學生屋企環境唔算好,出嚟社會要面對嘅挑戰更多、更大,學生同家長聽到呢個消息之後,都好多謝史密斯嘅慷慨,令佢哋卸下沉重嘅學費負擔。除咗幫學生還學貸之外,史密斯亦宣布會向莫爾豪斯學院捐款150萬美元,作為學生嘅獎學金同用嚟建設校園。

圖:The New York Times,美聯社

#愛心圈 #億萬富翁史密斯 #學費貸款