相信有唔少學生補緊習或者試過補習,部份成績優秀嘅甚至會幫人補習賺錢添,補習中介平台TutorDuck創辦人Oscar當初正正就係其中以為補習導師,經過一番努力,佢憑呢嗰平台獲得天使投資者100萬注資,年紀輕輕已經有一番成就。不過創業成功嘅背後,居然係因為一次唔愉快嘅補習經驗?

Oscar就讀於香港理工大學金融系,佢嘅大學生涯同好多同學一樣,都有揾補習賺外快。當時佢都喺靠補習中介揾學生,而中介會抽起頭兩個星期補習費做中介費。Oscar有次幫學生補完兩星期共六堂後無咗單生意,令佢頭兩星期辛辛苦苦賺嘅錢比曬中介,佢覺得呢個做法對補習老師好唔公平,於是萌生自己建立補習平台想法,改為只收首堂學費做中介費。

由於Oscar較市面上其他補習平台嘅中介費平好多,所以吸引咗唔少人揀用佢個平台。而Oscar上網自學整網頁,同埋用社交平台作宣傳,所以創業成本低,利潤相當可觀,試過一年營業額有成百萬。佢喺上年9月得到天使投資者出資支持,令Oscar可以開發線上學平台同埋開拓東南亞市場,進軍國際。

圖:TutorDuck,YouTube@HelloToby

#教育圈 #大學生創業