好多年輕人都有創業夢,但喺香港實現夢想成本太高,租金、人手樣樣都喺錢,初出茅廬、無乜資金、又無父幹母幹嘅年輕人點算好?正所謂「如果無夢想,活著同鹹魚有乜分別!」現年僅22歲,仲讀緊大學嘅葉枝茂就懷住一顆追夢嘅心,兩年前同哥哥到中山成立咗間新媒體公司,仲年賺6位數字,成績驕人。

葉同學對拍片有濃厚興趣,所以依家公司嘅業務都喺同拍攝有關,佢主要幫中山企業同政府部門拍攝廣告及微電影。講到點解會嚟中山創業,葉同學就話中山創業成本低,因為當地政府好支持創業,中山有個易創空間創業孵化基地,為初創企業提供免費辦公室,而且中山政府仲提供多項補貼,若果企業想增聘人手,每請一名員工可獲得補貼,最多可以拿到3萬元。

易創空間幾乎無入場門檻,35歲以下嘅港澳青年只要想創業就可以申請,仲歡迎任何行業添。目前已經有唔少港澳青年開始到中山創業,正展開嘅港澳項目有11個,累積就有24個。咁多位有創業夢嘅後生仔,不妨考慮到中山闖一闖,至少老咗唔會後悔!

圖:中山網

#社會熱話 #創業 #中山 #大灣區