仲煩緊周未有咩玩?不妨快閃深圳一日,去深業上城玩吓啦。深業上城商場喺2018年開幕,入面有超過300間店鋪,包括好多大牌子好似NikeSony、喜茶、奈雪之茶等等,食玩買一應俱全,真喺玩足成日都怕悶。

到埗之後,梗喺要揾吓野食。如果飲厭咗喜茶,小編推介大家試試「京盛宇」。「京盛宇」嚟自台灣飲品店,店內嘅茶由秤茶葉到沖泡都喺即叫即整,保證客人飲到最新鮮嘅茶,店家仲同台灣人氣鳳梨酥品牌「微熱山丘」合作,客人可以邊歎靚茶邊食鳳梨酥,正呀!第二間要介紹嘅食店喺K.Strawberry Café,Café走小清新風格,裝潢簡約,用嚟影文青相一流。Café主打輕食,如檸檬塔、泡芺、水果茶等等,賣相精緻,睇得又食得,而且細細份,啱晒女仔食。店家仲有個寄賣區,定期同世界各地品牌合作,食完嘢記得去行吓喇。

商場有唔少店鋪值得一逛,例如無印旗艦店咁,款式包羅萬有,仲有個刺繡工坊添!買咗指定產品後,客人可以自選刺繡,會按刺繡大小同圖案複雜度收費,製成品用嚟做手信一流。商場仲有戲院同埋好多商店,行到腳軟都未行曬呀。

深業上城

地址:深圳市福田區皇崗路5001號深業上城

營業時間:10:00-21:00

前往方法:地鐵站3號線蓮花村站

圖:kuaibao,tuchong