次次背親中文啲古文就會即刻腦便祕,「之乎者也」,都唔知佢講乜。不過,如果將呢啲古人古事變晒做現代報章嘅標題,成件事又會唔會易啲?

近排高登論壇有個熱門post,係將古人古事變成現代報章標題,吸引唔少網民入去紛紛改編:好似講孔融讓梨嘅故仔係:「小小兒童竟懂得讓梨給長兄!? 網暴動:我也想要這樣的弟弟!」而作家朱自清嘅著名文章〈背影〉中,描寫爸爸幫朱自清買橙上車食嘅情景係:「老翁為買橙闖入路軌 早上鐵路癱瘓一小時」。另外仲有火燒連環船:「突發:傍晚時分海上發生三級火 多艘相連木船被毀 警方稱火警起」、三顧草廬:「青年人為創業不怕苦 三度拜訪名師求出山教路」、鑿壁偷光:「清晨警方拘捕一名男子涉鑿牆偷光」,超好笑又易記,網民真係勁有才!

圖:高登討論區,搜狐

#社會熱話 #古人古事變成現代報章標題