一直以嚟,大家都認為黑猩猩好聰明、好醒目,不過近日BBC有報道指出,喺德國研究「演化人類學」同「生物物種多樣化」嘅專家話,非洲黑猩猩嘅社群文化行為正响度不斷退化,相信喺受到人類活動影響所致。

報道入面話黑猩猩會將覓食、取水、交流溝通和使用工具等技能,一代一代咁傳承。不過,喺人類活動較頻繁嘅地區,黑猩猩呢啲代代相傳嘅文化行為不但無作出演化,反而退化緊。研究人員話,喺人跡罕見地區生活嘅黑猩猩,佢地智慧行為就得到好好保留傳承,所以推斷黑猩猩受人類活動衝擊,影響到物種文化承傳。

不過,黑猩猩咁有智慧,科學家相信佢地會演化出新技能,以適應環境。而科學家下一步會研究,黑猩猩在同人類並存嘅環境下,學咗邊啲新技能。

圖:RANGER MATHIEU SHAMAVU