繼威尼斯人、巴黎人之後,澳門又有新搞作。金沙中國宣布將會翻路氹嘅「金沙城中心」,重新命名為「澳門倫敦人」(The Londoner Macao),並打做96米高嘅大笨鐘作為地標。睇嚟以後想「玩轉倫敦」,近近哋買張船飛去澳門就搞掂。

澳門倫敦人嘅酒店外牆設計意念喺嚟自西敏宮同埋國會大廈,頂層套房更請咗英格蘭前國腳碧咸幫手設計,令旅客有望入住充滿英倫風格嘅房間。除此之外,澳門倫敦人仲會有多種娛樂設施,例如VR體驗,到時會有「衛兵交接(Changing of the Guards)」等英式主題表演,最後當然唔少得有購物區,一次過滿足旅客住、玩、買一站式需求。

澳門倫敦人預計會喺20202021年分階段完成,到時去澳門又有新嘢睇啦。

圖:David Beckham,澳門倫敦人