潮流興黑糖珍珠奶茶,香港宜家基本上有賣珍珠奶茶嘅地方都有佢嘅蹤影,可見佢有幾受歡迎。近排,台灣仲出咗一款可以食嘅黑糖珍奶,就係將平時飲開嘅黑糖珍奶整成雪糕,入面啲珍珠仲好彈牙添!呢款雪糕宜家喺台灣簡直賣到斷市乜滯,真係手快有手慢無呀!

有網民近排喺facebook群組「爆廢公社」分享話,最近見到一款新出嘅黑糖珍奶雪糕,就買咗條嚟試,點知連個唔食冰嘢嘅收銀阿姨都話好食,仲話再唔買一陣就無晒貨咁話。呢位網民俾咗錢之後即刻開嚟試,一試真心好食,仲返轉頭買咗幾盒!而唔少網友亦紛紛留言話「珍珠超軟Q」、「真的超好吃,珍珠QQ不硬」,更有唔少網民表示呢隻雪糕好食到勁多人搶購,根本買唔到!但亦有網民表示無網上講到咁好食:「整支吃完覺得有點甜」、「本來期待有奶茶味,但實際上味道跟布丁雪糕很像」。雖然有負評,但小編都係好想試咯!

圖:FB@「爆廢公社」,Emojiguru

#社會熱話 #黑糖珍珠奶茶雪糕