今個月12號長洲舉行太平清醮,係香港特色文化盛事,唔少商店都做足準備,推出與眾不同嘅產品吸引顧客。喺長洲賣平安包超過四十年嘅郭錦記餅店,繼之前推出Hello Kittty、蛋黃哥、布甸狗等卡通人物造型嘅平安包後,今年又搞搞新意思,同電影公司Sony Picture合作,近期勁受歡迎嘅角色「蜘蛛俠」變成平安包圖案。咁多位蜘蛛俠迷,仲唔快啲入手一盒~

郭錦記餅店今年推出一盒四個嘅蜘蛛俠平安包,其中三個唔同造型嘅蜘蛛俠圖案,剩低一個就傳統平安包圖案。蜘蛛俠平安包有款口味,分別喺香芋、麻蓉、豆沙、蓮蓉,每盒賣88蚊。當大家每買一盒蜘蛛俠平安包,仲會免費獲贈一個限量版鎖匙扣。

襯返產品,郭錦記餅店仲將間店蜘蛛俠主題佈置,俾大家盡情打卡。仲有呀,蜘蛛俠會喺今日快閃長洲,仲會走到主題店做一日店長。想同蜘蛛俠見嗰面、握吓手、影張相?記得唔好錯過喇!

圖:OpenRice, 郭錦記