以住嘅倫敦馬拉松賽事會向參賽選手派水樽,所以每次賽事完結後,都會出現滿地膠樽嘅情況。但今年嘅倫敦馬拉松為咗響應環保,將可食用嘅水球注入能量飲品,用嚟派畀選手,令膠樽用量大大減少咗20%

可食用水球係咩嚟?你可能會有呢個疑問。其實個水球早於2015年已經出現,但嗰陣未喺好多人用,所以大家唔提熟悉。呢個可食用水球名為「Ooho」,外層由海藻製作,所以可以直接食接用。而且海藻含有豐富嘅碘、礦物質同埋微量元素,對人體仲好有益添。

如果擔心衛生問題,唔想食水球個海藻包裝,都可以咬穿個水球後,淨喺飲入面嘅能量飲料。水球喺由海藻製成,所以大約四至六星期就可以被生物分解。

今年倫敦馬拉松膠樽用量由上年嘅約92萬個,減少到約70萬個,希望下年响減少膠樽用量方面再創佳績,繼續走塑!

圖: onthenewsnow