2018年10月,連接香港、珠海同澳門,全長55公里嘅港珠澳大橋通車。依家每日都有來自港珠澳嘅民眾利用往來三地,大大促進三地經濟發展同人文交流。近日紀錄片《港珠澳大橋》喺內地上映,向大眾呈現呢座「新世界七大奇蹟之一」嘅誕生歷程。

(圖:《港珠澳大橋》截圖)

《港珠澳大橋》由中央廣播電視總台、港珠澳大橋管理局、廣東廣播電視台、珠海廣播電視台聯合攝製,導演為閆東。全片長70分鐘,但用咗超過十年去製作(九年拍攝、一年幾完成後期製作),每一分鐘都係製作團隊嘅心血結晶。 

(圖:《港珠澳大橋》截圖)

影片以大橋最後一節沉管「E30」嘅沉放安裝過程作為敘述主線,呈現大橋自2009年開始建設以嚟嘅誕生歷程,同時展示大橋主體工程「橋、島、隧」三大部分嘅設計理念同領先世界的建造技術。影片亦充滿文化內涵,例如引用錢塘江大橋、武漢長江大橋等橋樑建設史料,以小見大,「通過橋的變化來看中國人民命運的大變化」。

圖:《港珠澳大橋》截圖