去捐血站捐血是常識吧~但廣州有個捐血站唔單止可以捐血,仲有得玩遊戲!同一般捐血站唔同,廣州第一個智慧捐血站「北京路獻血屋」搞搞新意思,安排機械人解答捐血問題,又有互動遊戲畀捐血者玩,等佢哋有不一樣嘅捐血體驗。

(圖:央廣網)

捐血站位於越秀區北京路步行街,裝潢設計突破傳統,走年輕時尚風,有明亮嘅落地玻璃窗,營造輕鬆氣氛。捐血站所屬嘅廣州血液中心表示,智慧捐血站主要服務無償捐血者,著力提升佢哋嘅捐血體驗,而捐血站空間改造更合理、程序控制更便捷、智慧管理更先進。

(圖:央廣網)

講咗咁耐,智慧捐血站有啲咩咁把炮呢?入面有機械人可以為公眾解答關於捐血嘅問題,又有智慧互動櫥窗,向捐血者介紹捐血知識,亦有小遊戲畀佢哋玩,拉近其心理距離。捐完血仲可以「奉旨」打卡,捐血站提供「智能留影」服務,幫捐血者整張專屬照片並公開展示,向更多人分享愛心足跡。

圖:金羊網、Blood Donor Emoji

#智慧捐血站

====================

「多個人捐血,救多幾個人!」希望大家踴躍捐血,因為捐1次血可以救到3個人。香港紅十字會輸血服務中心網址:http://www5.ha.org.hk/rcbts/