人會墜入愛河,貓咪都會! 話說美國有隻貓貓成日凝望窗外,心事重重但係又好想出去咁款,原嚟係想同隔離屋嘅貓貓做朋友,主人於是做紅娘,幫寵物製造機會,等兩隻貓貓相見,唔駛隔住玻璃同條街得個望字咁慘慘。

 

住喺紐約嘅主人Mackenzie Coffman近日留意到貓貓Simon舉止奇怪,成日係窗台跳嚟跳去,仲會望住對面窗戶叫,於是好奇之下順住Simon 嘅方向一望,發現對面有隻貓貓坐係到,Mackenzie就覺得Simon係愛上對面家嘅貓貓!

 

Mackenzie都想Simon 嘅戀情能夠開花結果,於是係窗度放咗個留言,幫Simon作自我介紹。無幾耐,對面嘅主人都貼字條,幫自己隻貓貓Theo做自我介紹,回應返Simon,兩個主人仲約咗之後見面。Mackenzie將呢段貓咪情緣放上twitter,短短幾日已經得到超過十萬次轉發。事件旋即引起網上熱烈討論,網民好期待兩隻貓貓嘅戀情發展。 最後喺4月26號,Simon同Theo第一次近距離相見,Mackenzie將佢地相處短片放上Twitter,真係Sweet到爆!

 

圖:twitter@kenziecoffman