尋日係萬眾期待嘅《復仇者聯盟 4:終局之戰》上映嘅日子,你哋睇咗未呀?而就喺套戲上演前夕,香港各個部門嘅facebook page率先推出各自部門嘅吉祥物poster,仲有一張集齊7個部門嘅大合體,組成守護者聯盟,食正《復仇者聯盟 4》熱潮。

呢張香港守護者聯盟poster包括消防處嘅任何仁、環境局嘅大嘥鬼、食物環境衞生署嘅清潔龍阿德、香港天文台嘅度天隊長、漁農自然護理署嘅 B 仔自然教室、水務署嘅滴惜仔同埋衞生署嘅匿獅。任何仁話係「部門穿越,正信息集結」,清潔龍阿德就表示:「一個人嘅力量有限,但只要齊心,香港人就有無限動力。」呢次跨部門合作,得到大部份網民激讚:「呢個 post 政府真心有進步,可以跨部門合作」、「部門終於有啲唔係單打獨鬥嘅宣傳啦,好難唔 like」、「任何人型仔咗」、「你講!你係咪用咗美圖秀秀」等。

圖:FB@香港消防處

#社會熱話 #復仇者聯盟 #守護者聯盟