小編上個禮拜同大家介紹過廣州龍崗村嘅油菜花田,如果覺得齋睇花都未夠喉嘅話,廣州花都赤坭鎮九曲河畔藍田油菜花基地仲有個春耕節,除咗可以睇一大片油菜花田之外,仲有祈福、體驗農耕生活、文藝演出等節目,真係豐富節目多籮籮。

今年「大美赤坭▪綠色發展」春耕節(開耕)活動喺上個禮拜六正式收官,成個活動歷時兩個幾月,具體嘅主題活動包括龍獅祈福、走馬觀花、農村農資線上交易、春耕場景展示、特色旅遊景點推介。節目透過龍、獅喺花間起舞,以祈求新一年風調雨順、國泰民安。現場仲有體驗農耕環節,遊客可以餵家禽、同當地農民合影,仲可以親自體驗農民喺田間勞作嘅過程,享受農耕樂趣。活動最後仲有精彩嘅文藝表演,簡直令遊客睇到眼花繚亂。可惜今年嘅春耕節已經落幕,未去嘅出年要把握機會喇。

圖:金羊網 

#旅遊圈 #春耕節 #廣州花都