唔少大企業都有個極具特色嘅辦公室,例如Google總部啲會議室有唔同主題設計,LEGO嘅辦公室有得瀡滑梯。至於麥當勞,你以為剩係紅紅黃黃再加個大大嘅M字?梗係唔係喇!人哋嘅總部整到成間藝術館咁㗎!

舊年六月,麥當勞將總部搬返去闊別40幾年嘅芝加哥。新總部用咗2.5億美元(約20億港元)建造開放式辦公室,入面設有畫廊、歷史博物館、咖啡店等,仲有間可以畀公眾入內食嘢嘅麥當勞餐廳。置身總部大樓,好似參觀緊藝術展覽,連美國著名藝術家Jacob Hashimoto嘅作品都有得睇。

總部設計團隊表示,大樓每層辦公室都有唔同風格嘅設計同佈局,希望咁樣可以激發員工有更多創新思維。麥當勞總裁Steve Easterbrook話:「我哋搬嚟呢道,唔單止係換辦公室大樓,仲係象徵為品牌注入新意。」


圖:McDonald’s、IA Interior Architects

#建築圈  #麥當勞總部