好多小朋友都會帶飯盒返學食飯,而復活節假就到喇,各位爸爸媽媽記得提小朋友放假前拎返個飯盒返屋企。台灣一位小二學生就係唔記得將飯盒拎返屋企,隔咗四日連假先帶返嚟,結果入面出晒霉菌!

放假前一個上課日,呢位小學生嘅媽媽為佢準備咗意粉飯盒。放完假後媽媽見囡囡帶個飯盒返嚟,大概估到裡面發生咗咩事,所以唔敢打開清洗。唯有請爸爸出馬打開,只見不鏽鋼飯盒入面有一大笪黑黑綠綠嘅霉菌,仲隱約見到食剩嘅意粉碎,認真核突!媽媽見到囡囡嘅「成果」,無奈表示:「我們家(的霉菌)四天的培養很成功。」最後都係由爸爸清洗飯盒,之後再用滾水碌過先敢畀囡囡再用。


圖:網絡

#食物圈  #恐怖飯盒  #發霉