「推著小比跑讓他吹著風,可以看到他開心的笑容,也是我帶他跑步最大的目的。」台灣單親媽媽陳嘉齡,當年未婚生子,囝囝小比係6個月大時不幸確診腦癱,未婚夫仲拋棄咗佢地,令獨力養大囝囝嘅陳嘉齡曾一度辛苦到食藥自殺,好彩之後佢終於都諗通咗,仲開始同囝囝一齊參加馬拉松,從中得到好多嘅快樂回憶,到而家佢地兩母子已經完成咗67場馬拉松嘞!


每次陳嘉齡同小比都會以唔同造型參加馬拉松,係上個月佢地跑第67場馬拉松時,媽媽陳嘉齡就著住紅色嘅女僕衫,而小比就被打扮成《海賊王》嘅路飛,寓意「有打不死嘅精神」。雖然果日天氣好凍又落著大雨,但陳嘉齡仍然好努力咁推著小比衝向終點。


陳嘉齡係接受訪問時提及過去嘅路好唔易行,26歲未婚有咗小比,原本滿心歡喜籌備婚禮,但係小比6個月大時突然癲癇發作,最終確診為極重度腦性麻痺,未婚夫仍因為咁而離開咗佢地。依個病令到囝囝講唔到野同行動不便,18年黎,經常出入醫院,收過超過一百次病危通知,為咗湊大囝囝,陳嘉齡難以係一間公司長做,身心壓力非常大嘅佢,係仔仔小比大約10歲,食咗過百粒安眠藥自殺,令佢昏睡咗3日,最終被肚餓嘅小比用手腳踢打而醒,當佢醒返時,佢瘋狂飲水,最奇怪嘅係,當佢發現自己昏睡咗3日入面,佢仍會慣性地定時餵小比飲奶同幫佢沖涼。


所以佢最後諗通咗「不死了,老天爺留我一條命,是要我照顧孩子。」之後仲開始同囝囝一齊參加唔同嘅馬拉松,係佢地參加咗67場馬拉松賽事入面,雖然過程好辛苦,但佢都無諗過要放棄比賽。仲話「我不知道能推他推多久,我希望在他有限的人生中,讓他去體驗各種可能,下雨、吹風……我不要以後悔恨,若是把自己和小孩都綁在屋子裏,甚麼都沒有做,人生就荒廢了。」大家都要好似陳媽媽咁,生活雖然有時會好苦,但人生有限,做人要勇敢啲,唔好俾自己留低太多遺憾!


圖:小比的跑旅雜記@FB


#生活圈 #洋蔥圈 #單親媽媽 #腦癱 #67場馬拉松