廣式燒味、腸粉我哋就成日食喇,有無諗過呢兩樣廣東美食都會有機會列入非物質文化遺產?無錯,真係有可能,皆因廣式燒味、腸粉嘅製作技藝已經喺廣州市非物質文化遺產嘅推薦名單上面。

專家認為,廣式腸粉用咗廣州地區布拉腸嘅傳統制作技藝,呢個技藝有悠久嘅歷史,傳承脈絡清晰可查,具有較高嘅地方飲食文化價值,仲係廣州小食嘅代表。 而廣式燒味更加係廣府菜系中嘅代表菜之一,其製作技藝獨具特色,喺嶺南地區有成千年歷史,具有重要嘅歷史文化同民俗價值。同時被列入廣州市非物質文化遺產嘅推薦名單仲有涼果、蔡李佛拳、粵謳、廣繡等,唔知你哋又撐唔撐呢?

圖:圖蟲網

#飲食圈 #廣式腸粉燒味 #廣州市非物質文化遺產