政府成日賣廣告宣傳戒煙,都係為咗大家嘅身體健康著想。其實戒煙除咗可以贏返健康,仲可以令你自信返晒嚟。唔信?咁就睇吓台灣一位鄭姓男子嘅真人實證喇。佢戒煙前個樣勁頹,戒煙後就變成青靚白淨嘅型男,引起網民熱議!

鄭男喺Facebook群組貼文分享戒煙感想,並上載咗自己戒煙前後嘅相。戒煙前,佢面形瘦削、無厘神氣,十足十吸毒者。但佢花咗四年時間戒煙後,面形變得飽滿、皮光肉滑,成為自信型男。鄭男話,戒煙前一日食一包煙,「味覺都是煙味,吃煙就飽了」,搞到滿面油同出痘痘,體重只有52公斤。而依家戒煙兩年後唔單止個樣好咗,體重升至70公斤,連食嘢都覺得零舍好味。

其他網友睇完呢組反差極大嘅相後,都大讚鄭男型咗,甚至可以做戒煙代言人。有煙民就受到鼓勵,希望自己都成功戒到煙。


圖:Facebook@爆廢公社

#健康圈  #戒煙