藝術係世界共同語言。香港、珠海、澳門三地學生透過藝術互相交流切磋,想一次過欣賞231幅由80位來自三地嘅大學生嘅作品,包括書法、國畫、西畫、攝影等,就唔好錯過珠海舉行嘅「珠港澳大學生書畫攝影藝術展」喇!

今次展覽即日起至4月24日喺拱北聯安市民藝術中心舉行,主題為「畫意青春」,所以作品種類雖然傳統,但其內涵相信會同青春嘅大家「同聲同氣」,甚至令你產生共鳴。主辦單位之一嘅珠海市學聯執行主席楊溫盈話,藝術展唔只係一場文化活動,仲係畀珠港澳三地中意文化藝術嘅青年學子展示風采、互動交流嘅平台。


圖:南方網

#珠港澳大學生書畫攝影藝術展