如果問你全亞洲邊個最靚仔,你會諗起邊個﹖木村?彭于晏﹖G-Dragon﹖你哋錯晒嘞!近日,美國知名電影評論網站TC Candler公佈咗2018年「亞太區百大帥哥」,男神彭于晏都只係排第30位…而第一位就由44歲嘅大陸男星吳京,撼贏一眾小鮮肉跑出!韓國天團BTS嘅柾國都要屈居第二,賽果爆晒冷!


今次嘅亞洲美男子榜結果出爐,第一位為吳京、第二名柾國、第三名古川雄輝。有唔少網民睇到結果之後都紛紛留言,話唔太認同吳京拎到第一名啵,你哋又點睇呢﹖


第一位: 吳京

今年44歲嘅吳京前年憑自導自演嘅《戰狼II》喺內地狂掃逾56億人民幣票房,成為內地影圈一線男演員,佢除咗演技了得,身型仲非常健壯,好有男人味!



第二位:柾國

佢就係韓國天團BTS嘅其中一位成員,喺團體中擔任主唱、舞蹈、中心多個身分,可以話係多才多藝。



第三位:古川雄輝

來自日本嘅佢2013年憑住《惡作劇之吻》中飾演直樹一角深受觀眾歡迎,劇集更令佢意外喺中國爆紅,微博fans多達249萬!吸粉能力極高!



而口頭蟬「Skrrrrrr」嘅吳亦凡打入第8位,但好多女生鐘意嘅彭于晏同音樂造詣極高嘅周杰倫分別只得第30位同第50位。你哋覺得個List嘅男神又啱唔啱你口味啊﹖


再睇吓女子組嘅賽果,今年就由韓國女團BLACK PINK嘅泰國成員Lisa奪冠,第二名為日本女星石原聰美,第三名就係參加《Produce 101》嘅大陸女星楊超越。而去年封「全球最美」嘅亞軍周子瑜今年就只得第四名。


原圖:網上圖片、The 100 Most Handsome Faces 2018

 #亞洲美男子 #吳京 #柾國 #古川雄輝