星爺話「人生大起大跌得太快,實在太刺激」,近日黑龍江一名男子經歷生死跌宕,但相信一啲都唔刺激。佢原本諗住喺車內放煤氣自殺,但中途後悔,想食煙冷靜吓,結果一點煙就引起煤氣爆炸!好彩男子被及時送到醫院搶救,目前無生命危險,大步檻過。


當時男子帶煤氣罐進入車廂,再緊閉車窗放煤氣自殺。期間男子突然改變主意唔想死,於是打開車窗諗住食支煙冷靜吓,但佢唔記得咗啲煤氣仲未完全散去,結果一撻著火就點燃煤氣爆炸!


附近有途人聽到爆炸聲後趕到現場,見男子側身瞓喺車內司機位,生死未卜,其白色私家車四個車門炸到變形,車窗玻璃全部碎裂,雜物一地都係。後嚟警察到場,將男子緊急送院搶救,最終佢走出鬼門關,保住性命。


圖:網絡、電影《唐伯虎點秋香》劇照

 

#生命無TakeTwo


============================

受困擾的人可被真誠感染,分享人間有情的信念。如受情緒困擾,「香港撒瑪利亞防止自殺會」願意聽你傾訴。

電話: 2389 2222 (24小時)

電郵:touch@sbhk.org.hk(撒瑪利亞人收)

真心話室(網上聊天室):http://www.help4suicide.com.hk/ (服務時間:晚上8時至凌晨1時)