好多香港人都想環遊世界,可惜一係就無咁多假,一係就無多錢,唔通真係要等到退休先實現到?咁又唔洗,嚟深圳世界之窗都可以一嘗環遊世界嘅滋味!

世界之窗最出名嘅就係入面造型迷你但就非常仿真精緻嘅景點模型,喺呢度,你可以睇勻世界各地嘅名勝古跡。由歐洲嘅巴黎鐵塔、凱旋門、羅馬鬥獸場睇到非洲嘅埃及金字塔,再由美洲嘅總統山、復活節島嘅巨人石像返嚟亞洲柬埔寨嘅吳哥窟、泰國王宮、印度嘅泰姬陵等等,唔洗搭飛機,一日裡面就可以睇齊咁多個著名景點,感受唔同國家嘅文化風情,正呀。

除咗睇迷你版景點,世界之窗仲有機動遊戲玩㗎,好似飛躍美利堅、科羅拉多大峽谷漂流咁,啱晒鍾意刺激嘅朋友。而裡面嘅極速富士山,更加可以俾到你好似坐喺4D戲院咁,感受失重、急衝嘅真實刺激感。唔想玩咁刺激遊戲嘅朋友,亦都可以選擇漫步喺充滿歐陸風情嘅小鎮街上,悠閒咁欣賞荷蘭嘅風車、農場咁,都好寫意!

地址:深圳市南山區華僑城(地鐵世界之窗站)

圖:圖蟲網

#旅遊圈 #深圳 #遊走深圳有咩玩 #世界之窗 #大灣區