成世人流流長,有邊個敢話自己無做過錯事呢﹖正所謂「所錯能改,善莫大焉」,肯公開面對同承認自己嘅過錯,已經踏出重要一步,唔知又有幾多人有勇氣咁做呢﹖近日有指網紅「火雞姐」丁可欣曾喺初中時期欺凌同學,亦偷過同學嘢,火雞姐就拍咗條片公開道歉,話為自己做過嘅錯事感到後悔,亦好對唔住被佢傷害過嘅同學,希望大家可以原諒佢。


條片一開頭見到火雞姐向受害者鞠躬道歉,佢話希望曾被欺凌、被偷過嘢嘅同學可以聯絡佢,等佢可以親自道歉,同埋賠償被偷物品嘅金額。網民反應兩極,有網民表示欣賞佢嘅勇敢,肯公開承認過錯,人誰無過,最緊要係知錯能改,但都有網民話偷嘢係刑事嚟,佢犯咗法,唔係道歉就可以解決件事。唔知你又點睇呢﹖


原圖:IG@yankidin

 #火雞姐 #公開道歉