每年農曆年前食環署都喺各區舉辦大型年宵巿場,等大家辦年貨、感受節日氣氛,開開心心過年。不過好可惜嘅係,每年年宵去到尾聲都會變身,成為一個巨型垃圾場,因為部份檔主要錢唔要貨,將賣唔出嘅貨品打爛,又或將啲剩餘物資、連埋啲可以再用嘅物品、傢俬、冰櫃等留低唔帶走!有環保之士為咗保護我哋親愛嘅地球,組織咗一班義工,將有用、可回收嘅物資整理,以作進一步處理,將當晚嘅「盛況」影低同公開相片,情況真係令人為之側目。


從facebook圖片可以見到,維園及沙田有海量食材、賣剩嘅揮春、即棄餐具、甚至係冰櫃等都一一被留低,以維園年宵為例,義工執到15000張揮春、士多啤梨14 箱 藍莓3 箱、獨立包裝玉米 22箱、乾蝦 5箱等;沙田年宵就執到過百件完好冰菠蘿、獨立包裝花茶、用咗幾日嘅烤腸仔爐、襪一大箱,約 500 對。(數目太太太多,不能盡錄!!)

Image may contain: food

No photo description available.

Image may contain: one or more people and drink

No photo description available.

雖然一班義工已經將一啲較為完整同可以重用嘅物品分發畀市民免費拎返屋企,以減輕堆填區嘅負擔。不過,圖片亦見到一啲無良心嘅檔主將賣唔出嘅花剪爛晒,務求市民拎唔到,唔單只現場嘅義工做到好嬲,好多網友睇到相都一樣覺得好憤怒,「這些年宵攤位大部分是賣垃圾。不自行清理的檔主,應被列入黑名單。」

Image may contain: plant

過年應該係送福、惜福嘅時候,大家係咪應該要好好反省一下大型節日所帶來嘅污染,賣唔晒嘅就唔好入咁多貨、用得唒先好買,過一個綠色節日呢?


原圖:FB@毋忘垃圾、沙田不是垃圾站 Waste No Mall – Shatin

 #節日圈 #年宵過後 #大嘥鬼 #回收