撞到人哋架車點算好﹖唔好講話小朋友,就算大人好多都會Hit and Run,搏無人知就唔使賠錢!但呢種做法實在太唔負責任啦!喺北京就有位13歲妹妹電動車返學時,為咗閃避前方急煞嘅車,唔小心撞到一架泊喺路邊嘅車。雖然當時車主不在場,亦有人叫小妹妹快啲走,但佢卻借來紙筆,手寫道歉字條並附上聯絡方式,結果車主發現只係罰佢賠償1蚊。


車主見到架愛車被撞本來都好嬲,但之後睇到小妹妹留嘅字條,就下咗啖氣啦。字條上寫咗,「對不起,我是一名小學生,今天不小心撞到你的車了,可是你沒留電話在車上,今天是一不小心的,對不起!」。小妹留低電話號碼以及學校名,似乎係想讓車主知道搵邊個索償。


車主覺得小妹妹好有擔當值得表揚,後來以電話聯繫佢嘅校長,要求小妹妹賠「1元人民幣」,始終真係撞到架車,要負返責任。此外,車主都希望校長可以喺班上表揚一下妹妹同印獎牌畀佢,以鼓勵孩子們敢於承擔嘅精神!


原圖: 現代快報、CFP

#愛心圈 #學校園 #hitandrun #表揚