DSE今日放榜,嚟自香港耀能協會賽馬會田綺玲學校嘅3名學生雖然身體狀況各有不同,但佢哋依然克服身體殘障,在疫情下順利完成考試。當中患有杜興氏肌肉營養不良症嘅謝智敏學更考獲9分,而受肌肉​萎縮影響,不能長時間活動雙手嘅佢亦希望向藝術方面發展,修讀有關讀藝術及設計嘅課程,實在十分勵志。


謝智敏因為肌肉​萎縮,所以雙手易容出現乏力嘅情況。

謝同學表示,自己從小就喜歡畫畫,小時候每個星期六都會上畫畫班。所以即使現時佢每畫個半鐘畫就會出現手軟、手震嘅問題,並且需要休息,佢都依然沒有放棄過畫畫這個興趣。而當佢被問到鍾意畫咩類型嘅畫時,佢指自己鍾意畫一些自創嘅動漫人物,並展示咗一啲自己過往嘅作品。


謝智敏考DSE時亦有加時嘅特別安排,可以比佢每寫45分鐘就休息5分鐘。

對於DSE成績,謝同學就表示滿意,而自己原本較弱嘅通識科最後取得2級亦令佢十分開心。佢指自己已經盡力,這一刻還是身體最緊要,因為自己嘅身體狀況比較差,每日朝早都要食大量藥物,而且受病情影響,考試期間佢亦需要長時間嘅睡眠,先可以有足夠嘅精精上堂同溫習。


陳志桓(左)、陳慧詩(右)

至於另一位患有痙攣性截癱嘅同學陳志桓就考獲7分,雖然陳同學唔係太滿意自己嘅成績,但佢亦坦言成績在意料之中,而自己來年亦會從基礎文憑開始讀起,希望未來有機會到外國升學,修讀到翻譯、商業管理或酒店管理的學科,並在畢業後回國貢獻國家。


不過對於考文憑試,陳同學其實曾經都諗過放棄。佢表示自己因病情影響,邏輯思維較弱,所以數學一向都好弱。即使自己曾經試過惡補過數學,但都未有太大改善,因此自己一度有諗過為何還要考文憑試。不過在老師和親友的鼓勵下,佢亦明白到讀書可以令自己搵工嘅範圍更大,有更多工作機會,所以自己就改變了心態,實行讀得就讀,為未來做好準備。


陳慧詩受媽媽嘅影響,同樣希望成為一位護理員

另一位患有先天性門靜脈缺失嘅同學陳慧詩就考獲3分,想喺日後成為一位護理員嘅佢就表示,知道自己讀書唔叻,但已盡力去彌補不足,就例如會喺課餘時間都會同同學一齊溫書、研究功課,並額外修讀「急救證書」課程。而陳同學就表示自己最想多謝媽媽,因為作為護理員嘅佢不單止比咗一個目標自己,喺考試期間,媽媽更對佢關懷備至,常常親自送外賣到校給她,鼓勵要努力學習。


對於為何想成為護理員,陳同學就表示由於自己身處特殊學校,所以發現到社會上有好多需要幫助嘅人,再加上自己鍾意幫人,所以就想向著護理員呢個目標進發。而未來陳同學亦將修讀一個為期2年嘅「青年護理服務啟航計劃」,為投身護理行業做好準備。