「教育及職業博覽」於昨日正式舉行,今屆展覽共有800間機構參與,而當中更包括警察、消防、懲教等公營機構。今年警隊嘅攤位以「忠誠勇毅 心繫社會」為題,去展示警隊不同單位嘅日常工作同裝備,並提供最新嘅招募資訊。而有興趣投考警隊嘅人士甚至可以喺攤位即場申請見習督察、警員或輔警警員嘅職位,並接受初步遴選。


展覽期間,20個警隊嘅單位及自願兼任職務的隊伍,例如爆炸品處理課、警犬隊、反恐特勤隊都會輪流向公眾講解日常工作和裝備。如果大家有興趣了解警隊某個特定單位,可參考以下嘅示範時間表,並喺指定時段到場參觀。


七月十六日(星期五)

上午十時半至下午二時半:警犬隊、警隊護送組、鑑證科、衝鋒隊

下午二時半至七時:反恐特勤隊、鐵路應變部隊、警察談判組、警察機動部隊

七月十七日(星期六)

上午十時半至下午二時半:反恐特勤隊、商業罪案調查科(專家及支援)、輔警、警犬隊

下午二時半至七時:商業罪案調查科(訛騙組)、小艇分區、機場特警組、網絡安全及科技罪案調查科

七月十八日(星期日)

上午十時半至下午二時半:警察搜查隊、小艇分區、槍械訓練科、網絡安全及科技罪案調查科

下午二時半至六時:機場特警組、警隊護送組、衝鋒隊、防止罪案科


除此之外,警察招募組亦安排「警隊學長計劃」、「警隊學長計劃」(內地/海外網絡)及「志警成計劃」嘅學員和大使,以及一些非華裔警務人員到場介紹有關計劃。以上3個計劃嘅對象分別喺本地同內地/海外嘅專上院校學生,並希望吸引參加者喺畢業後投考警隊,所以各位有志成為警員嘅大專生不妨到場了解一下,現場亦會有招募組人員解答有關招募嘅問題。