第31屆香港書展今日於灣仔香港會議展覽中心正式開幕,展期共七天至7月20日(下星期二)。由於上屆書展因疫情惡化而版取消,所以今屆書展格外熱鬧,唔少書迷都一早到場排隊搶購簽名小說。而今屆書展新設嘅「零食世界」亦吸引唔少市民前往書展,一嚐世界各地嘅特色零食。



今屆展場設多個專題展區,包括中國內地出版、綜合書刊館、大學坊、心靈書區、兒童天地和電子書與電子學習資源等,方便書迷尋找不同題材同類型嘅作品。如有需要,大家亦可使用場內嘅「書藉搜尋器」,去找出特定書藉嘅所在位置,十分方便。


今屆嘅參展書商一如往年,推出了唔同嘅優惠吸引客人,當中包括全場8折、買5本即送1本、買滿$500即可抽獎等。對於書展重開,有書迷就表示十分興奮,並指自己此行主要想購買小說類書籍,而且己經準備好足夠嘅金錢「掃貨」帶返屋企。



除咗一般嘅優惠,部分參展商將為已接種疫苗的參觀人士提供各項優惠,包括購物折扣、現金優惠券、贈送書籍及禮品等。而且大會亦會送出35,000個書展免費入場名額予已接種疫苗嘅市民,大家只要喺12點前出示疫苗接種紀錄,即可以喺會場嘅特別通道免費入場。


為鼓勵市民喺非繁忙時段入場,今次大會就推出咗「上午進場票」、「晚間進場票」及「免費再進場特別優惠」去疏導人流。不過要注意嘅係,為避免現金找續及減少接觸,會場將不設實體門票銷售,市民需要喺會場入口嘅收費站以八達通即時付費入場。