日前內地高考放榜,廣東省中山市一名房東竟然因為租戶兒子考獲優異成績,而決定為其租住嘅房子免租4年,以示祝賀及鼓勵。事件曝光後隨即成為網絡熱話,不少網民更稱該房東為「中國好房東」。


從相片中可見,一棟住宅嘅外墻掛著「恭喜本樓租戶之子高考取得608分的優異成績,為表示祝賀房東決定為該住戶免房租4年」的紅色條幅。而該棟住宅嘅門上亦貼著類似嘅字句,睇嚟除咗該學生嘅屋企人之外,房東都為此感到十分開心。


據了解,該戶人家與房東嘅租戶關係長達10年,爸爸喺一間五金行工作,而媽媽為咗照顧喺外地讀書嘅兒子就喺學校附近找工作,一家人為了生計分隔兩地。而該房東喺受訪時表示,自己為這家人感到高興,因為孩子能考獲好成績實屬難得。至於免租4年亦只係自己嘅小小心意,微不足道。


圖片來源:網上圖片