冰島及英國嘅智庫喺2015年至2019年間進行咗一個「4天工作周」嘅實驗,希望藉著觀察共計2500名工人,睇下4天工作周對人們嘅工作效率有咩影響。日前呢項研究終於公布結果,而實驗亦取得「壓倒性的成功」,因為喺工時縮短嘅情況下,工人嘅生產力保持不變,甚至係有所提高。


研究人員表示,實驗計劃中嘅工人由每周工作40小時減為35-36小時,而結果亦相當正面,唔少工人們都指自己壓力減輕了,健康、工作與生活嘅平衡得到改善。研究人員亦更估計實驗結束後,勞資雙方會開始協商新嘅工作模式,而大約86%嘅員工將因此減少工時或享有彈性工時。


英國智庫研究主任 Will Stronge 亦表示,實驗獲得壓倒性的成功證明咗漸進式嘅改變也是可行的,而推行縮短工時政策嘅時機亦已成熟,希望其他國家政府能從中吸取經驗。其實目前世界各地也投入類似實驗,包括西班牙和生產商 Unilever 嘅新西蘭分公司。


圖片來源:網上圖片