阿茲海默症(AD)係其中一種腦退化症,目前醫生對於AD患者嘅診斷主要依靠對患者認知能力嘅測試,而評估AD病情最常使用嘅醫療程序係以腦部成像同腰椎刺穿術嚟偵測。不過呢種方法費用昂貴、具侵入性,並未喺世界各地廣泛應用,香港科技大學就成功研發出首個簡單嘅血液檢測方法,可以及早篩查並識別AD患者,準確率更超過96%。

呢個研究由科大與倫敦大學學院團隊、威爾斯親王醫院、伊利沙伯醫院等本地醫院嘅臨床醫生合作研發,團隊由429種同AD相關嘅血漿蛋白中,識別出19種具有相關患病特徵嘅血漿蛋白生物標誌物組群。團隊再根據相關標誌物,設計出一套評分系統,可識別出AD患者,準確率超過96%。呢個系統仲可亦辨別AD早、中及晚期3個階段,用作監測患者嘅病情發展。

身兼科大晨興生命科學教授及分子神經科學國家重點實驗室主任嘅葉玉如教授表示:「我們成功開發了這套簡單、無創而精準的 AD 診斷方法,將為AD的大規模篩查及分期診斷提供重大助力。」

圖:科大