香港夏天日日都熱到焫著,好多人都想去海灘暢泳降溫!咁去邊個海灘好呢?由康文署轄下嘅大埔龍尾泳灘已經正式啟用,大家可以對住靚景,盡情同陽光玩遊戲,真係諗起都興奮!

龍尾泳灘於623日正式向公眾開放,係香港首個由政府興建嘅人工泳灘,規劃超過10年,耗資約2億元,泳灘全長約200米,土木工程拓展署更形容為「日落絕美打卡點」,最正嘅打卡位包括觀景台,同埋泳灘旁超過一百米長嘅護沙堤,喺護沙堤可以遠眺整個八仙嶺及泳灘,影相一流。

大埔龍尾泳灘位於大埔汀角路168號,鄰近大美督公共運輸交匯處,大家想去玩嘅話,可以喺港鐵大埔墟站乘坐75K號巴士、275R號巴士(只在周日及公眾假期行駛)或20C號綠色專線小巴,於蘆慈田站下車,再步行約兩分鐘就到達啦。而泳灘亦附設九十六個單車泊位,大家可以踩單車前往,盡情享受郊遊樂。

圖片來源:政府新聞網


龍尾泳灘於6月23日正式向公眾開放。


泳灘全長約200米。


泳灘旁的100米護沙堤,影相一流。


龍尾泳灘規劃超過10年,耗資約2億元。


泳灘設施包括更衣室、淋浴設備和洗手間。


泳灘附設九十六個單車泊位,大家可以踩單車前往。


龍尾泳灘是香港首個由政府興建的人工泳灘。


龍尾泳灘位置圖