美國一對父子舊年3月展開了一個單車之旅,佢哋計劃由西岸嘅華盛頓州踩單車到東岸嘅紐約,挑戰一下美國北部嘅單車徑。呢個旅程長達5000公里,並將橫跨整個美國,而兩人日前就抵達蒙大拿州,在當地過了一個不一樣的父親節。


其實早在3年前,兒子 Shepherd Clover 看到父親年輕時踩單車嘅相簿後,就提議父子兩人踩單車到紐約,參觀帝國大廈。只是當時 Shepherd 被發現患上第一型糖尿病,父子兩人才未能即時展開旅程,並要等到舊年3月,Shepherd 嘅病況穩定後先至可以出發。


父親 James Clover 表示,佢哋喺沿途都得到唔少民眾支持,有人向佢哋送上食物和現金,令佢十分感動。 佢預計兩人將於今年8月抵達紐約,而屆時兒子將迎嚟9歲生日,並將成為美國北部單車徑最年輕的挑戰者。


圖片來源:Trek 2021@Facebook