紅磡站屯馬綫新月台於日前(620日)啟用,土瓜灣站、宋皇臺站亦喺早前分別(61213日)舉辦開放日。而屯馬綫全線就於627日通車,全程行車73分鐘,令人非常期待!

通車當日,宋皇臺站、土瓜灣站兩個新車站將會啟用,而早前開放日,土瓜灣書法引起市民熱議。「圡瓜湾」嘅「圡」有別於大眾認知嘅「土瓜灣」,擔任創作港鐵車站站名書法嘅區傑棠表示,「圡」係「土」嘅異體字,以行書書寫,字體活潑多變,而該字多出來嘅一點係為咗保留字體線條節奏感,保持字體平衡。 

區傑棠表示,今次「宋皇臺」站和「土瓜灣」站嘅處理手法同過往有好大差異,以港島線為例,所採用嘅書體為楷書,响唐代盛行,今次就採用宋代流行嘅行書。又指,港島線每個站墨寶形態都唔同,係為咗令各站都有其辨識度,讓乘客「記得落車」。另外,宋皇臺一帶曾大規模發掘宋朝古蹟,响呢個歷史背景下配合當時最流行且較嚴肅嘅書體,可以深化呢區嘅歷史感。 

圖片來源︰政府新聞網