父親嘅愛總係默默無言嘅,佢哋雖然好少將愛說出口,但就會默默咁用行動嚟證明。外國有位準媽媽Stephanie喺Baby Shower(新生兒派對)上,居然收到一份嚟自爸爸親手製作嘅禮物,呢份禮物就係用Stephanie亡母嘅舊衫所縫製嘅「百家被」。爸爸話希望孫兒可以有婆婆嘅愛守護,Stephanie當堂感動到淚流滿面。

綜合外媒報道,準媽媽Stephanie近日舉行Baby Shower,準備迎接即將出世嘅BB。可惜Stephanie嘅媽媽早前不幸離世,未能參加,Stephanie嘅爸爸就用太太嘅舊衫,親手縫製咗一張百家被送俾外孫,等外孫可以有外婆嘅愛守護長大。當Stephanie打開爸爸送嘅禮物盒嗰陣,即刻感動到喊,佢表示呢份係最好嘅禮物,佢好掛住媽媽。

網民紛紛大讚Stephanie嘅爸爸好貼心:「你們的父親非常體貼」、「這讓我流淚了,我的母親是我的世界,我可以想像當你看到這些時的感受」、「我奶奶說,當上帝帶走一個人的時候,他就會把另一個人送回來。現在她正在為你的孩子準備好與你一起生活。」

圖:網上圖片