2021 DSE將於下月放榜,為咗比考生多一個收取DSE成績嘅途徑,考評局今年將嘗試以手機短訊(SMS),向考生發放DSE成績同覆核成績結果。而考評局更會喺下星期一(6月21日)上午9時起,向考生發出一個「提示訊息」,作為放榜前嘅「綵排」。


不過各位應屆考生要注意,有關SMS不能代替「成績通知書」,大家仍需按學校嘅安排回校領取成績單。而SMS只為方便大家查看自己嘅成績,或者作為特殊情況下未能回校領取成績單時嘅應變方案。


如果各位考生喺6月24日11點前仲未收到「提示訊息」,可聯屬學校確認自己所登記嘅手機號碼有無出錯。而大家亦可以喺7月12日或之前,分別透過學校或者香港中學文憑考試網上服務更新已登記嘅手機號碼資料。


圖片來源: 考評局