疫情持續一年多,弱勢社群喺現時大環境下,生活更艱難。好彩有企業此時此刻更記得要履行責任,回饋社會,幫助有需要嘅人! 

惠康公布向15間設有中央廚房嘅慈善機構捐贈30,000 公斤御品皇香米,為有需要人士提供美味香米,足夠受惠者一年嘅食米量。獲捐贈嘅慈善機構包括老人院、無家者收容所、低收入家庭支援中心及服務小數族裔機構。 

據悉,惠康今次捐贈嘅御品皇香米由泰國直接進口,其香米榮獲第12屆世界大米貿易會議「世界最美味香米」名銜,受惠人士有口福啦! 

惠康亦承諾,會竭盡所能為顧客、同事及社區服務,齊心抗疫。其中一項回饋社會計劃「日日有低價」,鎖定近700 款日常貨品價格至少到 9 30 日,支援大眾走出疫境。 

圖片來源︰惠康