受疫情影響,呢一年大家都要喺屋企工作、上堂、考試,但喺屋企依然要面對各種問題,就例如更容易受到家人嘅騷擾。而為了解決呢個問題,日本一位育有一對雙胞胎嘅爸爸近日就決定移師到浴室,進行一個重要嘅線上考試。


日本網民 smzksts 日前喺Twitter上分享自己喺在屋企浴室設置嘅「考場」,從相片中可見,浴缸邊架上咗一塊木板同矮凳用嚟放置手提電腦,另一旁就放咗一張凳。而這個簡單的「考場」亦為smzksts 提供了一個不受干擾嘅空間,進行一個長達3小時嘅IT資格考試。


smzksts 表示,今次考試為避免作弊以及洩題,對考生附近嘅環境有非常嚴格嘅要求,所以為避免受到家人干擾, smzksts 就索性將自己關到浴室內考試。而且該考試亦沒有聽力題,所以即便浴室容易產生回音都完全無問題,smzksts 最終也順利完成考試。


圖片來源: Twitter@smzksts