港人平日生活大多兩點一線,起床後上班,下班後回家,行屍走肉般,令人覺得生活了無生趣。然而,尋找生活樂趣或意義不一定要追逐多大嘅目標或志向,可以係下班時天仍是亮的,假日到郊外感受到微風拂臉,又或是一些很個人、很小眾嘅「玩意」都可以令生活煥然一新。 

丁樂融(Lawrence)係一名建築師,同時亦都係一名年輕藝術家,會用木或竹製作大大小小嘅物件,佢笑稱自己只係會一點「手藝」,而不是什麼木工師傅或竹蒸籠傳承人。 

Lawrence認為「做手藝」係一種生活調劑品,能夠平衡工作同生活。佢自中學時期已開始用木頭動手做物件,如桌子、櫈子等,2013年成立個人工作室「木民」(Grain Design),近兩年開始用竹做手藝。Lawrence 認為,「快時尚」(Fast fashion)嘅出現,令好多人可以用相對便宜嘅價錢把物件買回家,用幾年就會丟掉。但如果係自己親手把物件造出來,感覺會截然不同,過程中會跟「它」產生 bonding(親密關係),會想把「它」保存一世。 

對於喜歡用木還是竹創作嘅問題,Lawrence表示設計之前會想好物料特性再創作,可能係讀建築時培養出嚟嘅習慣。佢又引述一位已故建築大師路易斯‧康(Louis Kahn, 1901-1974)嘅說話,「'What do you want, Brick?' And Brick says to you, 'I like an Arch.'」意思係指,「用物料做啲乜嘢,而唔係我想物料變成點樣嘅形態」。 

雖然創作路上並沒有太多同路人,但Lawrence從來都唔覺得孤單,佢仲覺得好「自娛」。Lawrence表示設計靈感係隨緣,可以係坐車時睇到嘅風景或者到海灘時見到嘅海浪,而佢亦唔會喺作品上刻意營造一種感覺,認為藝術應該係自然而言發生。 

Lawrence於去年被「賽馬會『傳‧創』非遺教育計劃」邀請到香港藝術中心做導師,教授竹蒸籠傳統手藝係機緣巧合,呢門手藝都係自學,表示「有熱誠自然就會有推動力」去鑽研一件事,而授課正是一種傳承形式。另外,Lawrence嘅新作品亦會响618日(星期五)喺畢業展覽中登場!大家不妨親身感受Lawrence嘅創作成果! 

第三屆「賽馬會『傳‧創』非遺教育計劃」畢業展覽詳情如下:

日期:2021618 日至74

時間:早上 11 時至晚上 10

地點:chi K11藝術空間(K11 Art Mall地庫2chi K11 藝術空間)

九龍尖沙咀河內道18

費用:免費入場

網上展覽網址:http://ichplus.org.hk/en/programme/annual-showcases

今年製作嘅竹枝形吊燈,將會於618日展出(上);2019年製作嘅竹蒸籠吊燈(下)。

Lawrence 工作室擺放了不同種類嘅木材、竹,以及一些工具,空氣瀰漫着大自然物料嘅味道,亂中有序嘅擺設令工作室感覺溫馨舒適。

Lawrence 早年幫客人設計嘅陽台式酒櫃,流線形嘅設計別具動感(左);設响香港大學(宿舍)圖書館嘅木桌子(右)。

Lawrence去年11月受邀到香港藝術中心,擔任百褶竹籃手袋製作坊嘅導師。

竹蒸籠嘅技術係自學。


2015年設計嘅木櫈保存至今。

Lawrence示範如何製作竹片,又展示咗「砌木」嘅巧妙。

Lawrence常看嘅參考書。